Mizo Elite News hi ṭha i tihzawng a nih chuan min lo Follow dawn nia

Zungbun hi Megan in phelh a tum a nih chuan hling in a chhun ang tih Machine Gun Kelly a’n a sawi

Rapper, Machine Gun Kelly leh lemchan thiam Megan Fox te chuan an inkara hmangaihna chu hmalam pantirin hmanni mai khan Puerto Rico ah an inhual a, MGK an Fox Propose nan hian zungbun dangdai leh a bik taka siam alo bun tir.

He zungbun hi amah MGK ngeiin a design a ni bawk. Vogue nena Interview an neih na ah Machine Gun Kelly chuan a nupui hual Megan Fox zungbun a pek phen a thil inthup awm chu a rawn sawichhuak.

He zungbun hi an pahnih birthstone ve ve a ni a, Diamond hi MGK birthstone niin emerald hi Megan Fox birthstone a ni. Stone pahnih a ni a, zungbun pahnih ah chhuah theih ni mahse magnet hmangin pakhat ah an chhuah ta a, thinlung lem ang in a rawn chhuak ta chiah chiah.

Thinlung lem mawi tak karah hian hling a inphum ru a, Megan Fox hian an inhualna zungbun hi phelh a tum anih vaih chuan hling hian a chhun nghal dawn. Hmangaihna chu natna ang mai a ni tih hi he zungbun thuchah kentel ani.

Machine Gun Kelly hi tlereuh design tu lar tak Stephen Webster nen an thawkdun hnu ah zungbun special tak hi an rawn duang chhuak a. An pahnih hian “Midnight in the Switchgrass” an chan dun atangin an inngaizawng tan. MGK nen an inkawp hma lawk in Megan Fox hian fa 3 a neihna Brian Austin Green nen an inthen a, an inthen atang in thla khat erh awrh a liam chauh tihah MGK nen langsar takin an inkawp nghal.

Zungbun hling nei hian Megan Fox kut tang hi engchen a rei nge a hliam loh theih ang. Reilo te hnu ah hian a hling hian a chhun thi leh mai lo ang maw. Hun leh ni ten a rawn hril chho zel ang chu.