Mizo Elite News hi ṭha i tihzawng a nih chuan min lo Follow dawn nia

Zu Ngawlvei Chuan Pawisa Khelhna Ah A Nupui Bet In A Thiante A Pawngsual Tir

Thil thleng mak pui pui hi hriattur a awm fo thin a, a then te phei chu awihawm loh khawpa rapthlak te a ni zawk.

Bhagalpur, Bihar ah zu ngawlvel kum 36 a upa chuan a nupui pawmlai ngei chu pawisa khelhna ah bet in a khelhpui a thiante ngei lakah a nupui zahawmna hi a dahkham a, a thiante chu alo pawngsual tir thin tih hriat a ni.

An hming hi thlak danglam sak an ni a, Ravi hi Hassanganj mi a ni. Ravi hian a nupui Asha tia an koh hi gambling atan hian a bet a, a thian te hian vawi eng emaw zat an pawngsual hman. A nupui hi a thiante bul ah hian a kal lo a nih chuan in a pasal hian acid chu amah beih nan alo hmang zui thin niin a sawi bawk.

A pasal chhuahsan in a nu leh pa te hnen ah a tlan phah hial reng a,December 13 khan social activist pakhat Deepak Singh hnen ah tanpuina a ngen tawp. Police ah thubuai hi thehluh a ni a, a pasal hi custody ah an hruai nghal.

Times Now tarlan dan chuan Asha leh Ravi te hi kum 8 aia rei an innei tawh. Mahsela an pahnih hian fa an la nei lo a, a chhan pawh a pasal hi zu ngawlvei a nih vang tih an sawi. Asha hian Police te hnen ah chuan nau a pai theih loh vangin a pasal hian a tih hrehawm thin thu chen in a hrilh vek. October 28 khan a pasal hian pawisa a khelhpui thiante kiang ah awmluih tirin an pawngsual ta a ti a ni.

Times Now