Mizo Elite News hi ṭha i tihzawng a nih chuan min lo Follow dawn nia

Zu A Ruih Hnuah Bo In An Zawng A, Amah Zawng Tu Te Zingah Alo Tel Ve Reng Si

Kawng leh lam tak ah chuan a zawngtu te tan pawh hian a lawmawm rual rual in a thinrimthlak duh viau ngeiin a rinawm.

Turkey ram ah kum 50 a upa Beyhan Mutlu chu zu a ruih hnu ah in lama a kir tak loh vangin a bo tih Report a ni a, a bo thu thlen tu a thian in thuneitu te hnenah Mutlu chu Turkish city İnegöl hnaih ramngaw ah chuan a bo niin a sawi a ni.

Beyhan Mutlu hi zu a ruih tawh chuan alo che nawi thei viau thin thu an sawi. Thuneitu leh mi tlawmngai dang te chuan a zawn hna beihpui chu an tan a,an hmuh hnuhnun berna ramhnuai ah chuan kalin chu lai hmun chu enfiah in zawn tan nan an hmang.

Mahse a hmun an thlen pawh in engmah hnu hma chhuizui tur hmuh an nei lo. Hun eng emaw chen chutia an zawn takah chuan zawn hna thawk tu te hian ring tak in Mutlu hming chu an au vak vak a, khawi hmun atang emaw lo hria in a lo chhawn let an beisei.

Chutiang a a hming an koh tak chiam hnu ah zawng tu zing atang mi pakhat chu ke a rawn penchhuak a, “tu chiah nge kan zawn hi? Kei chu hetah ka awm reng a lawm” tiin amah Mutlu hi a lo rawn tawngchhuak khauh ani.

Tu nge an zawn tih pawh hre map lovin amah an zawnna ah chuan Beyhan Mutlu hi alo tel ve reng zawk a, tumah in an lo hre bik der silo. An mi zawn ber chu an zingah a awm tih an han hria chu zawn hna thawktu pawl te pawh an lawm hle. Mutlu hi an chenna in ah a chhungte kiangah hruai hawn a ni tawh a, thil thleng hi a danglam em vangin Media ah share a hlawh zui hle bawk.