Mizo Elite News hi ṭha i tihzawng a nih chuan min lo Follow dawn nia

Zoom Video Call Hmanga Hna A Thawk Lai Mekin A Fa In Hnunglam Atang A Kaphlum Palh

USA Florida state ah chuan vanduaithlak takin nu pakhat Shamaya Lynn (kum 21) chuan Online kaltlang in a hna a thawk a, Zoom kaltlang a video call hmangin a hnathawhpui te nen chuan an titlang hlawm a ni.

Shamaya Lynn hi fa 2 nei tawh a ni a, Video call hmanga hna an thawh mek lai chuan hnung lam atang a silai hmetpuak ri hriat a ni a, silai mu chuan Shamaya Lynn hi fuh in a thawhpui te hma ah chuan a tlu a, thochhuak leh tur reng a awm tawh lo.

A naute chuan an chenna apartment ah video call a neih mek lai chuan silai handgun in load sa diam chu a lo hmu fuh a, a khalhna lam ah hmetpuak palhin a nu Shamaya Lynn lu ah hnung lam atang chuan a kap fuh palh a ni.

Video call a neihpui zinga mi in a sawidan in Shamaya Lynn hi a tlu thut a, video call ah hian a langzui tawh lo hrim hrim. Thil diklo thleng a awm tih an hrethiam vat a 911 te biak pawh nghal an ni.

Officers leh paramedics ten theih tawp an chhuah na chungin Mrs Lynn nunna hi chhan theih a ni tawh lo. Silai him lo taka dah a ni chu a vanduai phah ta a. Police te chuan thihna hial thleng ah hian midang te chu silai an kawl a nih chuan fimkhur thei ang bera himah dah turin an ngen.

He handgun hi Shamaya Lynn fa neihna pa ta nia hriat a nia, accident thleng ah hian silai hmetpuak tu naute erawh in hliam engmah a nei lo thung. A pawi tak zet zet a ni.