Mizo Elite News hi ṭha i tihzawng a nih chuan min lo Follow dawn nia

Zombie Series hmangin South Korea an parchhuak, ‘All Of Us Are Dead’ chhunzawmna beisei

Netflix ten K-Drama Zombie series hmuhnawm tak ‘All Of Us Are Dead’ an tihchhuah hnu ah khawvel pum ah a hlawhtling hle a, Episode 12 thleng tihchhuah niin viewer atangin duhkhawp lo tam tak an awm teuh bawk.

Jan.28 ah release niin Netflix’s TV show charts ah a chungnung ber a hauh bakah ram hrang hrang 60 vel lai ah ro a rel mek bawk. Production lam beisei phak bakin a mak a mak a tam en tu a nei thei hian series Director ngei pawh in rin har a ti hial nghe nghe a, Season dawt leh siam turin phurna a nei.

Season dawt leh siam chhunzawm tur hian Director hnen ah ngenna tam tak a lut. Netflix lam erawh in Season dawt leh buaipui a ni dawn em tih hi thuchhuah an la siam lo a, beiseina sang tak nen he Tv Show en tu te hian an thlir.

Director Lee Jae-kyoo chuan The Korean Herald hnena Interview a neih ah ‘All Of Us Are Dead’ siam chhunzawm leh tur hian viewers te ah a innghat thui hle tih a sawi a, a kalphung tur ri ruang chu a rilru ah a awm tawh bawk a ti.

Season thar siam a nih dawn chuan thil kalphung pawh a inthlak danglam a ngai dawn a, zombie thar danglam bik te pawh an lan a ngai ang. Season hmasa ah mihring ten zombie laka damkhawchhuah an tum dan tihlan a ni a, Season 2 ah erawh chuan zombie te damna (survival) lam hawi a ni ve thung tawh ang tih a hrilh ani.

He Series hi a tawp an khar dan atang reng in tawp hlen tur zawng a nih hmel loh hrim hrim a, Netflix lam pawn an show zinga hit ber hauh pha hial hi an chhunzawm tir leh ngei a rinawm viau. Thu thar puanchhuah hun fans ten an nghak mek ani.