Mizo Elite News hi ṭha i tihzawng a nih chuan min lo Follow dawn nia

Zomato Delivery Man In Thisen Chhuak Hial Khawpa Kut A Thlak Vangin Thubuai A Thehlut

Bengaluru based beauty influencer pakhat, Hitesha Chandranee tia tarlan tak chuan Zomato Delivery Man in thisen chhuak khawpa a khawih vangin thubuai a siam thu hriat a ni.

He hmeichhia hian a chunga thil thlen dan hi Instagram kaltlang in a puang zar a, video ah hian a hnara kutthlak a tawrhna lam a thisen chhuak pawh hmuh theih in ala awm bawk.

Tuartu Hitesha Chandranee in a sawidan chuan March 9 tlailam 3.30 pm bawr vel khan ei tur a chah a, mahsela a thil chah hi a hun takah a thleng lo a, 4.30 pm ah a thleng chauh.

A hun taka a Order a hmu lo chu a lungawi lo a,customer support lam te a be pawp. An hna thawk tha lo tiin a Order cancel hial a duh tih a hrilh a, hetih lai mek hian delivery agent chu a chenna in ah alo thleng. Hitesha hian an thil tih dan chu in palzamna nia ngaiin a order pawh a la duh lo a, delivery boy chu CS nen an inbiak chhung lo nghak rih turin a ti.

Order a la tha duh lo chu delivery boy, Kamraj hi a thinrim a, Hitesha hi a beizui ta mai a ni awm e. A hmai a hnekna lamah a hnar ah khawih fuh in thisen hial a chhuak a ni. Hitesha Chandranee thinrim hian Complaint a siam.

Kamraj hi Bengaluru Police ten custody ah an hreng a, Police te hnen ah chuan Hitesha hian a khawih hmasa zawk tiin an puhna ah a pha. Hitesha chuan a hnar ruh hial a tliak/khi tih sawiin antibiotic leh painkiller a lak vang chauha tawng thei mai a nih thu Video ah hian a sawi.

Zomato ten thil thleng chu pawi an tih thu sawiin tuartu hnen ah hian ngaihdam an dil. Hei bakah a tul angin a in enkawlna senso pawh puih an inhuam a, an delivery partner chu an platform atang an ban tir nghal thu statement an chhuah a ni.