Mizo Elite News hi ṭha i tihzawng a nih chuan min lo Follow dawn nia

Zendaya in Emmy Awards ah History a siam

A hmel duhawm leh ngainatawm tak hian tleirawl tam tak te thinlung ah bu a khuar a, ngaisang leh duhtu tam tak a nei.

American Actress leh Singer ni kawp Zendaya chuan Emmy Awards 2020 sem ah History a siam a, Drama Series in Outstanding Lead Actress a dawng.

Kum 24 a upa hi Emmy sem tawh ah hetiang Award hlu leh ropui dawng thei hmeichhia ah naupang ber a ni ta a ni. Zendaya hi HBO’s drama series Euphoria ah khan a che fuh cher cher hle a Rue Bennett angin ruihhlo/damdawi addict in alo inlan a ni.

Euphoria hi American teen drama television series hlawhtling tak a ni a,Sam Levinson an a siam a ni.

Zendaya hi Awards hlu dawng thei hmeichhe naupang ber a nih bakah hian vun rawng lamah mihang hmeichhia ah dawng thei pahnihna a ni ta bawk. A hma in Viola Davis in a dawng tawh. Khami hnu khan black zingah an awm leh lo.

72nd Primetime Emmy Awards hi Los Angeles a Microsoft Theater ah nghah a ni zet a, mahsela Covid19 vangin Ceremony chu virtualin in lam aṭang chhim a ni ta zawk. American television host Jimmy Kimmel chuan kumin Emmy hi a host.