Mizo Elite News hi ṭha i tihzawng a nih chuan min lo Follow dawn nia

Zayn Malik te chhungkua Aquarium tlawhin an chhuak, inneih vat an hmanhmawh lem lo

Zayn leh Gigi Hadid te chu an fanu thla 7 a upa Khai hruaichhuak in nimin khan New York Aquarium, Coney Island, Brooklyn ah hmuh an ni.

Aquarium tlawh a an chhuahna ah hian Zayn hian a fanu neihchhun hi duat takin amah in a nawr lir a, nu ber Gigi Hadid chu an kiang ah light-gray coat, trousers, black leather loafers leh black knit sweater inbel in Supermodel a nih hai theih loh khawp in a chhelo leh hawh hawh hle.

Gigi Hadid hian a hma in a fanu hi American Museum of Natural History leh Metropolitan Museum of Art te fanpuina a lo nei tawh bawk. An fanu hi vantlang hmuh turin vawite khat mah an hmel an la tilang miah lo a, fans te pawh in a hmel hmuh hlan an nghakhlel tawh hle.

Zayn Malik hian thla hmasa a iHeartRadio’s Valentine in the Morning a Interview a neihna ah a bialnu Gigi Hadid nen an fanu tan nu leh pa tha tak ni tura an insiamrem chhoh ve zel thu a sawi a ni.

Fa hial an nei tawh chungin an la innei lo hi mitam tak mak tih pawh a hlawh reng a, mahsela Zayn leh Gigi te hian chuti maiin inneih an la tum lo. Source pakhat in US Weekly a hrilh dan in an pahnih hian fa hial nei tawh mahse inneih an la hmanhmawh lo a,tuna an nun dan ah hian an hlim tawk rih viau a ni a ti.