Mizo Elite News hi ṭha i tihzawng a nih chuan min lo Follow dawn nia

Zayn leh Gigi Ten Naute An Nei Ta

Supermodel, Gigi Hadid leh a bialpa zaithiam Zayn Malik te chuan an fa hmasa ber chu ṭha tak leh tluang tak in an nei ta.

Zayn chuan a fanu kut a chelh lai thlalak chu Nilaini khan Twitter ah a post a, fanu duhawm leh hrisel tak an neih tawh thu hi khawvel hma ah a puangzar a, Pa tia ko tu tur a nei ve ta chu Zayn pawh a hlim hle tih a post siam aṭang hian a hriat theih.

Gigi Hadid nau pai thu hi April thla khan a thangchhuak ṭan a, a hnu ah amah ngeiin official tak in a rawn nemnghet.

Gigi hi la naupang hle mahse a fanu tan hian nu ṭha ber nih tumin a mawhphurhna hlenchhuak turin a inpeih tawh thu Source chuan a sawi.

Zayn leh Gigi te hi an inhmangaihna kawngah sawiselbo tia han sawi tur erawh an ni bik lo. A changin an inṭhen a a changin an inzui leh ṭhin a ni leh nilo ang rengin an khawsa ve reng ṭhin.

November 2015 aṭangin an in date ṭan a, kum 2 vel an inngaihzawn hnu March 2018 ah an inṭhen. Khuanu in inkawp tura a ruat te pawh an ni mahna inṭhen hlen thei tak tak chuang lo in December 2019 ah an inkara hmangaihna chu an rawn parchhuah tir leh ta a, tunah meuh chuan an inhmangaihna rah fanu hial an nei dun ta a ni.

DM