Mizo Elite News hi ṭha i tihzawng a nih chuan min lo Follow dawn nia

Zayn an fanu a neih hnuah nu leh pa dinhmun chungchang a sawi

Thalai tam tak in an duh leh atchilh rawn em em kha an ni a, an mahni kawng zawh ve ve ah an hlawhtling dun hle bawk. Pakhat zai ah theihtawp in a in hmang a, a pakhat zawk lah Supermodel hlawhtling ber zinga sawilan loh theih loh a ni.

Zayn Malik chuan iHeartRadio’s Valentine in the Morning a Interview thar a neih ah a fans te hriat chak tak tak thil a sawichhuak a, fanu nei a ‘Pa’ a nih hnu in Zayn hian nu leh pa dinhmun a rawn sawi ve ta.

Interview ah hian a bialnu Gigi Hadid nen an fanu Khai an enkawl chungchang tilangin, a rin leh beisei ang em em in Pa dinhmun chu harsa a ti hran lo tih Zayn hian a sawi.

An fanu chu nau enkawl nuam tak a ni a, a hma ang a an nundan thin ang tho in han inthlak danglam hran a ngai lo a ti. Mut a duh reuh em em a, hnute hnek leh a diaper thlak sak tih vel chauh a ni.

Music buaipui kawngah pawh duh ang in a insawrbing thei, a chhungkaw tan pawh in hun a insiam pah bawk. A fanu kianga hun hman tluka nuam tih a nei bik loh thu pawh Zayn hian a pha lo. An pafa in an leng chhuak a,TV leh Netflix ah te naupang pual Show en in nursery rhymes te an zir dun a. Tin, Zayn hian a fanu tan a zai sak thin tih a sawi tel.

Zayn leh Gigi te hi kum 5 ai a rei an inkawp tawh. Nikum September khan an pahnih a an fa hmasa ber turin fanu an nei a, hripui Covid19 hluar lai a nih vangin Gigi hian Delivery room ah nilo in In lamah zawk fa hi alo hring.