Mizo Elite News hi ṭha i tihzawng a nih chuan min lo Follow dawn nia

Zayn a’n a fanu leh a hmangaih Gigi Hadid tan hun insiam in Pa mawhphurhna a hlen tih a sawi

Zayn Malik pawh tunah chuan Pa nihna dinhmun dik tak a chelh ve tawh a, tlangval lai ang ngawt in nun a hmang thei tawh lo tih pawh a hria, amah ngeiin a fanu leh a hmangaih tana a nun a her remdan a sawi.

“Pillowtalk” singer Zayn chuan a hun tam zawk chu a fanu leh a fanu hrinsak tu Gigi te kiang ah a hmang thin tih Zach Sang podcast ah a hrilh a, kehthei dawma a dawm a hmeichhe pahnih te hi a nunah a dah pawimawh hmasa hle a ti a ni.

“Ka hun neih ang chhun chhun chu ka fanu duat leh a nu bul ah hian ka hmang deuh chawt a,chawhnu lam boruak vel leh zanah te chuan Music lam buaipuiin hun ka hmang thei thung” tiin a hna leh inchhung khur uap lum ah hun bi fel tak a siam.

Bradford native Zayn hian a album thar ber a studio album 3 na ‘Nobody Is Listening’ chu a fanu nen inzawmna a neih thu leh a tan liau liau a hlan thu a sawi tel bawk a ni.

iHeartRadio nen inbiangbiakna an neih tum a Pa dinhmun chu eng nge a an tia an zawhna ah chuan thil harsa tak a nih loh thu leh an fanu Khai chu nau tha tak a ni a, a hmaa an lo nundan nen inthlak danglam hran vak a tul kher lo tiin enkawl nuak tak a nih thu in a chhang.

Khai hi nikum September khan piangin thla 7 na a hmang ve mek tawh. An fa hmasa ber a ni bawk nen Zayn pawh in duat nasa hle tawh a, khawlai an chhuahna vel ah pawh Stroller in amah ngeiin a nawr deuh chawt reng thin.