Mizo Elite News hi ṭha i tihzawng a nih chuan min lo Follow dawn nia

Zawng Zu Ngawlvei Pakhat Chuan Mitam Tak Alo Beih Thin Vangin Damchhung Zoo Prison Ah Tang Tura Tih A Ni

India ram a mi Mirzapur a awm zawng (monkey) pakhat chu midang te a beih fo thin avangin chhuah zalen lovin damchhung Zoo Prison ah tan tir a ni dawn.

Business Insider India te ziah dan in he zawng nghal fal tak hi a hming Kalua a ni a, a enkawl seilian tu in zu a pek fo thin avangin zu ngawl a vei der. Mahsela a enkawl tu hi a boral a, zu pe tu a neih tawh loh atang in thunun hleihtheih loh khawp in a sual hle a ni.

Kalua hi Mirzapur ah chuan mite a tibuai fo a, khua mi cheng mi 250 lai te chu a lo bei tawh tih hriat a ni a, hmeichhia leh naupang te chu an hmai ah a khawih thin. Heng a mi beih zinga mi pakhat phei chu a hliam tuar lovin a boral phah nghe nghe a ni.

Kum 6 lai a upa a ni tawh a, kum 3 liam ta khan animal trappers ten an man hnu ah Kanpur Zoo ah hian an hruai. zoo doctor, Mohd Nasir chuan a tirah an dah hrang phawt a, mahse a nungchang leh khawsa zia te a inthlak theih loh vangin a damchhung zawng khuahkhirh a tantir turin thutlukna an siam tih a sawi.

Zoologists ten Kalua hi zu a addict mai bakah thlai lam leh a chipui te ei duh ang chi pawh engmah a ei duh ve lo bawk niin an sawi a ni.