Mizo Elite News hi ṭha i tihzawng a nih chuan min lo Follow dawn nia

Zalenna Tluantling A Hmuh Hnu Ah Britney Chuan A Piancham Lawmin Sam Asghari Nen Mexico Ah An Lawm

Pop Princess, Britney Spears chuan a pa khuahkhirhna lak atang zalenna famkim a hmuh hnu ah a piancham hlim takin a lawm ve thei ta a, a pasal hual Sam Asghari nen a kum 40 tlinna lawm in Mexico ah hun an hmang.

Britney leh Asghari te hi Cabo San Lucas beach ah hun thawl tak an hmang a, harsatna leh buaina an hmachhawn tawh te chu dah bovin hma hun thui tak thlir chung in am leh duhthawh takin an inchhai a ni.

Thlalak hmuh theih atang Britney hian a piancham hi a pasal hual kiangah hian hlim takin a lawm tih hai rual a nilo. An thlalak a ceiling window ah chuan ‘Happy Birthday Britney,’ tih chu langsar leh lian tak in a in ziak bawk. Beach a hun te an hman zawh hnu hian la duh tawk mai lovin private yacht ah an chuangkai leh a ni.

Britney pawh a rawn intuai nalh thar tan hle tawh a, beach vacation hi a ngaina in mahse dan in a phuar beh tlat vang khan a duh angin hun a hmang thei lo a, Mexico pawh rei tak chhung a hmu tawh lo tih an sawi.

Conservatorship in a phuar tawh lo bawk a Britney hi Public ah a hmel pawh a inlan tam chhoh tial tial a rinawm. Chutih rualin Music ah erawh Source rintlak tak te chuan Britney hi rimawi ah inhman zui nghal mai tura ruahmanna engmah a awm loh thu an puang.

A pasal hual Sam Asghari nen hian innei thuai tura ngaih an ni mek bawk a, Sam Asghari hi Britney nunah a pawimawh in a neih chhun tak meuh a ni.Hun harsa leh khirh tak a tawn lai pawh in atan a ding reng thin. Pasal ah neih pawh a duh a, mahsela a chunga Conservatorship lek a nih miau vang khan Britney hian pasal a neih a thiang lo. Chuvangin an inkara inzawmna khan chak takin hmalam a pan theih loh phah a ni.