Mizo Elite News hi ṭha i tihzawng a nih chuan min lo Follow dawn nia

Zalenna Kawl Eng A Hmuh Hnuin Britney In Inthawidamna A Mamawh

Britney Spears chu kum 13 zet a pa Jamie Spears in a mimal nun bakah a in leh lo te a thuhnuaia a dah hnuin zalenna kawl eng a hmu ve tan dawn ta a, Britney ngei pawh Court hma a thiam a chan ah hian a hlim zia Social Media atang ten a lang.

Inrinni khan Britney chuan thil a in thlak danglam tawh a,lawmna khawp tur a nun ah a thleng tan ve ta tiin tunah chuan damna kim a chang a ti a, mahsela khang hun chhung zawng avang khan inthawidamna a mamawh. TMZ in a tarlan danin Britney hian he Conservatorship hi phelh a nih hnu pawn mipui hma ah la inlan nghal mai a tum lo a. Stage a Perform aiin thil tih tur hmasa zawk dang a la nei tih a sawi.

Kum 13 liam ta khan Britney hian rilru lam ah dam lohna a nei in an sawi a, a fate enkawl tur pawh in an ring ngam lo a, a fate pawh enkawl thei lo tura khuahkhirh in hei vang hian a lakah conservatorship dan hi lekkawh a ni. Kum 10 aia tam a liam hnu ah Britney chunga dan khirh tak zam a la ni cheu hi fans te an lungawilo a Britney hi mahni in a inenkawl thei tawh a a nun ngai pe kir turin Free Britney Movement hi a rawn pian phah.

June thla liam ta a hearing an neih ah Britney in Judge hma a thusawina a neih khan a tapchhuak hial a. “Ka nun ngai kha hmuh let leh ka duh a ni. Kum 13 lai a rei a ni tawh a, a tawk zozai tawh ” tiin a sawi.

He dan hnuaiah hian Britney hian fa neih emaw pasal neih a theih loh. Mahse hmanni lawk khan a bialpa Sam Asghari nen an inhual thu an puangzar ve thei ta chauh. Hei hi Britney pa in a fanu laka conservator a nihna atang bang tura ngenna a thehluh zawh hnu lawk ah khan a ni.