Mizo Elite News hi ṭha i tihzawng a nih chuan min lo Follow dawn nia

Zaithiam Pakhat Nen An In An Em Avangin A Chhuahna Ah Fans Ten Thlalakpui Tumin An Zui Ṭhin

Chhul khat kual ni silo hmel leh pian phung a in ang tak tak hi khawvel ah sawi tur tam tam an awm a, ṭhenkhat milar hmel ang uchuak tak te phei chuan hlawkna eng eng emaw pawh an hmuh phah ve ṭhin.

Little Oakley, Essex a mi Brandon Geisha, 24, pawh hi zaithiam pakhat nen an in an em avangin miten an hai fo ṭhin.

Brandon Geisha, 24, hian British Pop Star lar tak mai “Perfect” singer, Ed Sheeran nen in ang tih a hlawh hle a, hei vang hian a lar phah in pawn leh khawlai a chhuahna velah mi tam tak ten thlalakpui ah an lo sawm ṭhin tih a sawi.

“Thlalakpui a min sawn hian a hlimawm letling ṭhin zawk” a ti a, hmun danga amah lo hmutu te phei chuan Ed emaw tiin ral khat aṭang ten thla an lo laksak mawlh mawlh ṭhin bawk a ni awm e.

Ed Sheeran angin Brandon pawh hian Guitar a perh ve ṭhin a, a chhungte nen Iken, Suffolk ah an cheng. Amah hi welder leh fabricator hnathawk ṭhin a ni.

School a luhna aṭang tawh in Ed nen an in an thu hi midang ka aṭang alo hre fo tawh. A han ṭhang lian chho a hmuihmui leh a sam sawhthing rawng te chuan Ed chu a ang zual ta telh telh.

Selfie pui duh tu an awm chuan Brandon hian a hnial ngai lem lo a, midang rilru hliamtu nih chu a hlau in a duh lo. Mahsela Ed hmel a an vang hian hmelhriat tu tam tak nei tawhin a vanneihpui zawk hle a ni.

DM