Mizo Elite News hi ṭha i tihzawng a nih chuan min lo Follow dawn nia

Zaithiam Ariana Grande leh a bialpa Dalton Gomez te an innei

Tunhnai a Pop Star lar leh hlawhtling ber pawl Ariana Grande (kum 27) leh a bialpa Dalton Gomez (kum 25) te chu inhualna an neih hnu ah Media leh fans te chimbuak lohin a ruka an innei thu hriat a ni.

TMZ leh People te pawh in Ariana leh Dalton te inneih thu hi an puangzar tawh a, Ariana Grande chenna inhnaih Montecito, California ah an innei a ni awm e. Ariana aiawhtu in People te a hrilh dan chuan inneihna hi mawlmang leh simple thei ang bera neih a ni a, mi 20 vel chauh inneihna ah hian an tel.

Kum 2020 kum tir January khan an inngaizawng tan a, kum tawp December a nih meuh chuan an inhual thu puang in Ariana Grande in inhualna zungbun Social Media kaltlangin hlim takin a phochhuak.

Lockdown vangin an pahnih in hun an hmang dun deuh chawt bawk. Dalton Gomez hi real estate agent a ni. Ariana hian a hmangaihna zinkawng ah mipa tam tak a lo tawng ve nual tawh.

2014 ah rapper Big Sean nen an in kawp a,dancer Ricky Alvarez nen 2015 ah an inkawp leh. Rapper Mac Miller nen hun eng emaw chen an inzui hnuah September 2018 khan OD in a boral san a, Miller thihna hi Ariana hian a tuar hle tih a Music tihchhuah atang hriat theih a ni. Miller hnua a kawp leh hmasak ber chu SNL star Pete Davidson a ni.