Mizo Elite News hi ṭha i tihzawng a nih chuan min lo Follow dawn nia

Zaithiam Adele leh Rich Paul te inkar thawm a ring tual tual

British hmeichhe zaithiam, Adele chu LeBron James agent, Rich Paul nen an in date tih sawi a tam khawp mai.

July 17 khan an pahnih hian NBA Finals 2021 ah inhnaih ang reng tak in an thu dun a, he Game hi Arizona a Phoenix Suns leh Milwaukee Bucks te inkhelh tum khan a ni.

Adele hi vantlang hmuh ah a hmel hmuh tur a vang thin hle a, nikum atang tawh thawm lian em em a nei tawh meuh lo. Paul nena inhnaih taka an awmdun hmuh an nih tak hnu phei chuan an in date tiin News Site hrang hrang ten an thehdarh ve nghal bawk.

Adele leh Rich Paul te inkar ri ret ret thu ah hian sports journalist in podcast a neihna ah Rich Paul an LeBron’s match ah a bialnu a hruaichhuak a, a hmeichhia hi tudang nilovin Adele a ni e an ti a ni. Mahse an pahnih atang engmah thuchhuah kimchang an la siam lo ve ve.

September 2019 khan a pasal Simon Konecki nen an inthen a, a rihna ten tlakhniam lam an pan hnu leh a pian a rawn nalh chhoh tan hnu ah Adele hian mipa hrang hrang sawizawm neuh neuh a nei chho nghal nual. Paul bakah Harry Styles,Brit Skepta leh Chris Brown te nen pawh inngaizawng anga sawi an ni.

Adele erawh chuan heng mipa zo zai nen inhnimhnai anga an tarlan ah hian a pha hle a,hmeichhe single a nih rih thu in a chhang. A hna lam project thil vel leh album thar tur ah a rilru sen zawk a duh tih a sawi.