Mizo Elite News hi ṭha i tihzawng a nih chuan min lo Follow dawn nia

Youtube Star Zinga Sum Lalut Hnem Ber MrBeast

YouTube hi a hmang thiam tan chuan sum lakluhna peng tha tak pakhat a ni a, khawvel huapa lar thei tur a inphochhuahna platform pawimawh tak ani bawk.

Youtube kaltlang hian mitam tak in hlawhtlinna an lo hmu nual tawh a, eizawn nan tak tak a hmang pawh an awm ta mai.

Forbes Magazine in YouTube star hausa zual leh sum lalut hnem a tarchhuak a, YouTube creator MrBeast chu 2021 chhunga YouTube star zinga sum thawkchhuak hnem ber niin $54 million zet a lalut.

Kum 23 leka upa, YouTube Streamy Awards creator of the year trophy lo dawng tawh tu MrBeast hi a hming dik tak Jimmy Donaldson a ni a, kum 13 a nih in Youtube ah a in phochhuak tan. Tunah 88.1m subscribers a nei mek. A channel kaltlang hian giveaways leh charity lamah a in hmang nasa a, Youtube bakah American delivery-only fast-food restaurant chain, MrBeast Burger hawngin hnathawk 50 a nei bawk ani.

A video te hian hun reilo te chhungin thlirtu maktaduai 50 a nei tling thei nghal zel a, Netflix hit Squid Game an chan nawn lehna phei chuan thlirtu maktaduai 200 ai tam a nei thei hial.

MrBeast dawt ah hian YouTuber/boxer, Jake Paul a awm a, 2021 chhungin Jake Paul hian $45 million a lalut. Pathumna ah vlogger/comedian/podcaster Markiplier awm in $38 million a lalut ani. Forbes hian Jan. 1-Dec. 31, 2021 inkar chhung a an lakluh atang tehna hi a kalpui.

2021 a Youtube star sum lalut hnem zual 10:-

1. MrBeast – $54 million

2. Jake Paul – $45 million

3. Markiplier – $38 million

4. Rhett & Link – $30 million

5. Unspeakable – $28.5 million

6. Like Nastya – $28 million

7. Ryan Kaji (Ryan’s World) – $27 million

8. Dude Perfect – $20 million

9. Logan Paul – $18 million

10. Preston – $16 million