Mizo Elite News hi ṭha i tihzawng a nih chuan min lo Follow dawn nia

YouTube Platform ah BTS te thlipui a tleh hum hum

South Korean boy band, BTS te chuan an single thar hmangin YouTube ah thlipui nasa tak an tleh tir hum hum a, an Music Video thar “Butter” chu rinlawk leh beisei ang ngeiin a hlawhtling.

“Butter” Music Video hian tihchhuah a nih phat atang khan a hit em em a, darkar 24 chhungin YouTube ah entu mi maktaduai 113 lai an nei thei.

Heti hian an chart-topping single “Dynamite” chu record siam ah an khum nghal a, “Dynamite” hi darkar 24 chhung in 101.1 million view an nei a, nikhat thil thu a entu ngah ber leh maktaduai 100 entu nei rang ber a hauh. An mahni record siam sa bawk an break leh vel mai mai a ni.

Release a nih atang a darkar 5 chhungin 47,034,131 chuang views a hlawh a, 4.8 million likes a dawng. Khata tang khan a hlawhtling lo theilo bur.

Tin, BTS te hian ‘Butter’ hi a vawikhatna atan May 23 a Billboard Music Awards sem turah an Perform dawn a, kumin hian categories hrang hrang 4 ah an lang bawk. Hei mai bakah May 28 ah Good Morning America’s Summer Concert Series kick off na an nei nghal ang.