Mizo Elite News hi ṭha i tihzawng a nih chuan min lo Follow dawn nia

‘X Factor’ star Tom Mann chu a nupui hual in an inneih ni turah a boral san

X Factor contestant lo ni tawh Tom Mann chuan Thawhtanni khan chanchin lungchhiatthlak tak puang in a nupui ni mai tawh tur Dani Hampson chuan kut an insuih ni tura a boralsan thu a sawi.

Tom Mann hian Instagram post a siam ah ‘ka thinlung a ti na tak zet a, ka kehsawm chiang hle a ni’ tiin an ni ropui leh an hlimni tur ber chu lungngaihna ni zawk in a thlak danglam tih rilru na takin a sawi.

Hampson thih chhan hi sawilan a nilo a, NBC News in a tarlan dan in inneih an tum hmasak zawk 2020 ah hripui leng vangin an puitlin thei lo a, an inneih hun tur an ruahman that leh ah vanduaina rapthlak hi an chungah a thleng a ni. An pahnih hian fapa thla 8 a upa Bowie an nei bawk.

Dani Hampson hi PR executive leh dancer niin Take That leh Little Mix bak ah Spice Girl te nen pawh an lo thawk ho tawh thin. Tom hi 2014 a The X Factor ah Solo Artist in audition a pe a, a hnu ah Boy Band, Stereo Kicks ah tel tir ani.

Tom chuan an fapa Bowie tan nu leh pa tha nih chhunzawm zel a tum thu a tiam a, Dani a hmangaihna chuan tawpchin a nei dawn lo ani tih entir nan an inneih zungbun chu a bun zel tur thu a sawi. An hun tawn mek ah an privacy chu zah sak tur in a ngen nghal bawk.