Mizo Elite News hi ṭha i tihzawng a nih chuan min lo Follow dawn nia

Wuhan Doctor Covid19 Kai Hun Eng Emaw Chen Enkawl Tawh Chu A Thi

He Chinese Doctor hi Covid19 hrikai in hun eng emaw chen enkawl a ni tawh a, a vun rawng zawng zawng pawh a inthlak danglam, hmuh pawh a nuam hran lo hle.

Dr Hu Weifeng hi Wuhan Central Hospital a hnathawk a ni. January thla daih tawh khan hnathawhna lam ah Covid19 hri hi a kai ve a Intensive Care Unit ah thla tel enkawl a ni.

Thla 5 dawn enkawl a nih hnu ah hri hi hneh lo in Dr Hu hi a boral tih Chinese news website The Paper chuan a rawn puang.

Dr Hu hi urologist a ni a,COVID-19 whistle-blower Li Wenliang te nena thawk ho kha nia sawi a ni. Spokesperson in a vun a inthlakdanglam chhan ah hian enkawlna atan a antibiotic an hman vang a ni an ti.

Dr Hu thawhpui pakhat Dr Yi Fan pawh a vun rawng a inthlakdanglam a, Covid19 vei ve tho in a ni erawh a dinhmun a zia ta deuh. An pahnih hian kum 42 an ni a Wuhan Central Hospital a patient an enkawl a ṭanga hri hi kai ta an ni.

A tirah Wuhan Pulmonary Hospital ah enkawl phawt niin Tongji Hospital’s Zhongfa Xincheng branch ah transfer an ni leh. Dr Yi erawh life-support machine, ECMO ni 39 vuah sak a nih hnu in ṭhat chhoh lam a pan a, Dr Hu erawh a dinhmun a serious zel. Check tu doctor te hma ah pawh a lo ṭawng thei lo. February 7 aṭang March 22 thleng ECMO therapy a lak hnuah a ziaawm deuh a, ṭawng lam pawh hma a sawn April 14 khan ordinary ward ah dah lehin mahse a hnu ah a ziaawm leh thei lo. cerebral haemorrhage tuar in intensive care units ah dahluh leh a ni a, a boral thlengin alo awm.

DM