Mizo Elite News hi ṭha i tihzawng a nih chuan min lo Follow dawn nia

World Bee Day puala Photoshoot ah Angelina Jolie chu khuai thahnem tak in an bawm

Khuai (bee) hlau tak leh a zuk haw tak te tan phei chuan en zawng ringawt pawh in hmuh hrehawm a ni. Milar thenkhat te erawh chuan heng khuai te hi thlalakpui atan hmangin, mite ai a danglam bik ah an insiam thin.

Actress leh activist lar tak mai kum 45 a upa Angela Jolie photoshoot thar hian a fans te ngei pawh a ti mangang in a ti hlauthawng hle.

Angelina Jolie hi World Bee Day pual in thlalak thar an tichhuak a, National Geographic te nen tangkawp a thawk ho in khuai (bee) te venhim a tul leh ngaihzia chungchang an sawi a ni.

Photoshoot ah hian Jolie hi khuai thahnem tak chuan in a taksa ah bawm in an vak nuai nuai a, thlalak te hi amateur beekeeper Dan Winters in a laksak a ni bawk.

Taksa a khuai inbawm tira a awm chhung hi minute 18 chhung lai a ni nghe nghe a, khuai lama mithiam expert te chuan Shooting an neih dawn hian Jolie taksa ah hian khuai bei duhna tur thil an chulh sak, a tan pawh thil awlsam zek zawk a ni lem lo.

Shooting an neih hma ni 3 chhung chu a inbual tawh loh thu Jolie hian a sawichhuak. A chhan chu rim dang shampoos leh perfumes te alo nam a nih chuan khuai te hi a taksa ah hian an bei thei dawn lo a ni.