Mizo Elite News hi ṭha i tihzawng a nih chuan min lo Follow dawn nia

Winnie Harlow leh Kyle Kuzma te inkar a tha leh tawh

Milar inkawp zinga inhmeh ber pawl a sawi ni pha hial te NBA player, Kyle Kuzma (26) leh supermodel, Winnie Harlow (27) te chu thla 5 chhung an inthen hnu ah an inkawp leh tawh tih TMZ Sport ten an puang.

TMZ ten report an siam hnu ah Kyle Kuzma leh Winnie Harlow te hi New York City ah hmuhdun an ni nghat zat a, an inkar in ngai a awh leh tawh a ni tih fans ten an hriat hnu in an hlim hle ani.

August thla khan an inthen a, hetih lai hi Kuzma an Lakers atang Wizards lam a pan lai vel ani bawk. Harlow pawh Kumza nen nghet taka kuta invuan chunga hmuh an nih hian thlalatu te chu hlim takin alo hmachhawn.

An pahnih hian Pandemic tan tirh vel May 2020 atang in an inngaizawng tan a, Winnie Harlow sawidanin Instagram DM kaltlangin an intawn thu The Ellen Show ah a sawichhuak. Kuzma hian a hma daih tawh in alo DM a, a lo hmu lawk lo zawk tih a sawi ani.

Page Six ten July thla khan an inthen chungchang hi an tarlang hmasa a, mahse Harlow representative chuan Page Six thuchhuah chu thu tlinglo “false information.” tiin a rawn sawi thung a, amaherawh chu a thla leh August ah mai an inthenna hi tihchian ani.

Kuzma hi NBA Star zingah hmeichhe lamah a tla na hle a, Harlow hi California ah modeling lam hnathawk in a hlawhtling em em bawk.