Mizo Elite News hi ṭha i tihzawng a nih chuan min lo Follow dawn nia

Wentworth Miller an mipa pangngai anga ‘Prison Break’ a chan a duh tawh lo

Fox TV Series hlawhtling tak a chan atanga lar leh hlawhtling zui em em Wentworth Miller chuan “Prison Break” a inlan leh tur in a duh tawh loh thu a sawichhuak meuh mai.

Wentworth Miller hian Michael Scofield anga chan leh a duh loh chhan ber a sawi chuan a fans tam tak, a bikin hmeichhia te a ti lungngai tak zet.

Prison Break a a changtu ber a nih avang khan thlirtu te lam atang an en zawn ber a ni thin a, mahse a Role play chhuah leh a tak rama a nundan erawh a danglam daih thung si a ni.

Miller hi mahni anpui kawp thin a ni a, Prison Break a a nundan thin lo ang lutuk a mipa pangngai ang nun straight characters lemchan chu a thei tawh thlawt lo tih a puangzar, hei vang hian Prison Break ah hian Scofield anga chan a tum tawh lo a ti a ni.

Miller thutlukna siam hi Prison Break a a chanpui dang te ngei pawh in an zahsak thiam hle tih an sawi ve bawk. He Series hi 2005 atang a tihchhuah tan a ni a, Fox in pe chhuak in seasons 4 chhuah a nih hnu ah 2009 khan zawh fel a ni. April 4, 2017 khan season 5 na turin episode 9 tihchhuah leh a ni bawk.