Mizo Elite News hi ṭha i tihzawng a nih chuan min lo Follow dawn nia

WCW wrestler Daphne Unger chu a chenna in ah thi in an chhar

Former WCW champion Daffney Unger (kum 46) chu Instagram Live a neih atang reilo ah a thian ten mangang taka ngaihven in a chenna in ah thi in an chhar tih hriat a ni.

Daffney Unger hi Scream Queen tia hriat a ni thin bawk a, Ningani zing khan a chenna Norcross, northeast of Atlanta ah thi a hmuh a ni a, a landan atang chuan mahni intihlum ni ngei a lang a, a intihhlum nia hriat a nih thu hi a thian leh a pro wrestler Lexie Fyfe chuan a sawi bawk.

“Zingkar hma takah khan thi in an chhar a ni” tiin Fyfe hian mittui nen New York Daily News te a hrilh. Daffney Unger hi thi a an hmuh hma lawk hian Instagram live a neihna ah a thiante leh chhungte ngaih a ti tha tawh lo sa.

Instagram Live ah hian Daffney Unger chuan midang ten a mal tlat zia an hriatthiam pui lo niin a sawi a, video ah hian pistol a kutin a chelh bawk niin an sawi a ni.

Heta tang hian a thian te leh law enforcement ten an ngaihven ru reng. A awmna a sawn hlim deuh hlawl vangin Police ten an zawng hmu nghal mai thei lo.Gwinnett County Medical Examiner’s Office ten Unger boral thu hi an puang tawh a, Gwinnett County medical examiner a investigator Aubrey Causey chuan Unger thih dan kimchang hi ala puang lo.

Unger hi a hming tak Shannon Claire Spruill a ni a, 1999 khan World Championship Wrestling ah bul a tan. David Flair bialnu a nih vangin a larzui hle. WCW Cruiserweight title a lak atang khan a hming a chher viau bawk.