Mizo Elite News hi ṭha i tihzawng a nih chuan min lo Follow dawn nia

Vun Rawng Vangin Chhung Ten An Inhmagaihna Pawmpui Lovin Tihluihna Hmangin An Inthen Tir, Kum 40 Hnuah An Intawng Leh

Hmangaihna hi thinlung atang a chhuak a nih vang in vun rawng bak ah chi leh sakhua pawh in hmangaihna dik tak chu kawng a dal thei lo. Chhungten an vun rawng vangin an inkara hmangaihna an pawmpui thei ngang lo a tihluihna hmangaih in an pawt then. Mahsela kum tam a liam hnu ah an intawng leh.

1970 chawhnu her lam ah khan Penny Umbers leh Mark Bethel te hi Nottingham, England a Private School an kalna atang in an intawng a, an pahnih chuan inngaina in an inhmangaih dun hle nghe nghe. Bethel hi Bahamas lama a kir hnu ah pawh hmangaihna thu inhlan in love letter leh poem te an la inthawn ve hram hram a, chuti khawp chuan an inkarah hmangaihna chuan bu a khuar nghet tawh a ni.

An inkar chu an chhung ten an hriat in an pawmpui thei ta tlat lo. Bethel nu leh pa te chuan an inkawp chu an kalh tlat a, a chhan chu a ni mihang a ni a, Umbers hi vun ngo a nih vang a ni. Umbers chhungte pawh in Bethel chhungte ngaihdan ang chiah hi an ngaihdan alo ni ve bawk.

Bethel chuan an tana a thatna tur zawk a nih ringin duhthlanna harsa tak chu a siam phah tih a sawi. “Vawi khat kan inhmuhna atang khan a lakah ka luangliam a ni ber a, thil mak tak a ni. A pa in ka hnena thu min hrilh khan harsa ka ti. Ka nun a duhthlanna khirh tak chu ka siam ta a, kha ka duhthlanna siam avang khan hrehawm pawh ka ti tak zet a ni” a ti.

Kum tam tak an inthen hnu ah chuan an inchhar chhuak leh ta chauh. Umbers hian chanchin an inhriatloh chhung in pasal vawi 2 lai a then hman a, Bethel pawh in kawppui chu nei ve mahse a hmangaih ber nen then hran an nih vangin a rilru leh thinlung zawng zawng a pe thei lo thung.

Kum 39 lai a liam hnu ah chuan Facebook kaltlangin an inzawng hmu a, Bethel hian Umbers hi Facebook ah hmu in amah a nih leh nih loh a zawh hnu ah chuan a tleirawl laia alo hmangaih em em kha a ni ngei tih a hre zui bawk. June thla khan in hmu in a tawp a tawpah damchhunga nupa ni turin kut an insuih.

Umbers chuan “Mark ang a hmangaih hi midang ka neih leh pawh ka ring tawh lo” a ti hial a, an hmangaihna kawng zawh lungchhiatthlak tak tarlanna lehkhabu ‘Thirty-Nine Years In The Wilderness’ chu an buatsaih hial. Kum 40 dawn hnua an intawn leh meuh chuan kum 60 leh kum 61 laia upa an ni tawh nghe nghe.