Mizo Elite News hi ṭha i tihzawng a nih chuan min lo Follow dawn nia

Virus Vei Mi Engemaw Zat Tana Theihtawp Chhuahtu Nurse Chu Coronavirus In Man Ve In ICU Ah Damchhuak Turin A Nun A Sual Mek

He nurse lainatawm tak chanchin hian lung a tichhe khawp mai. Kum 36 a upa fa 3 nei tawh Areema Nasreen hi NHS ah hnathawk in a awm a, he hrileng mek Coronavirus vei damlo te pawh mi engemaw zat a enkawl.

Amaherawh chu vanduaithlak tak in he virus hian a taksa ah chuan bu a lo khuar ve reng a, a tirah a taksa na in a temperature a sanga khuhin a âwmna hle a ni.

A hriselna dinhmun hi a tirah chuan a inhrechhuak lawk lo. NHS ah hian kum 16 lai hna a thawk tawh. West Midlands a Walsall Manor Hospital ah hruaiin a lo Positive ve reng a lo ni a a dinhmun hi a ṭha lo viau nghe nghe.

Intensive Care ah ventilator hman tir a ni a, a damkhawchhuah theihna turin a nun chu a sual ve mek tih a chhungte chuan lungchhe takin an sawi. A unaunu Kazeema chuan Areema dinhmun hi rawn sawiin midang te chu a unaunu dinhmun aṭang hian fimkhur turin a chah thar a kum naupang lam te pawh in coronavirus hi ngai serious turin a ti.

“Ka unaunu hi nurse ṭha tak a ni a, he virus vei hi mi engemaw zah a puibawm bawk. Mahsela tunah ICU ah a nunna sual in a awm mek. He hri hi a hlauhawm tak zet a ni tih hi kan hriat a ngai. Ka unaunu hi kum 36 chiah niin mi hrisel tak a ni ṭhin” a ti.

Areema hian a hnathawh hi a tui in nuam a ti a, NHS chu a hmangaihin a hnathawhpui te pawh a chhungkua ang maiin a en. A hnathawhpui te pawh hian a ṭhatchhuah theihna tur hian theihtawp an chhuah pui mek zel bawk a ni.