Mizo Elite News hi ṭha i tihzawng a nih chuan min lo Follow dawn nia

Video Music Awards semna ah Conor McGregor leh Machine Gun Kelly te inkar ah buaina thleng

New York khawpui Brooklyn a zai mite chawimawina MTV Video Music Awards 2021 semna neih ah UFC fighter, Conor McGregor leh Rapper, Machine Gun Kelly te inkar ah buaina thlengin an insual teuh hle.

He thil thlen lai hi milar dang ten Red Carpet an zawh mek lai vel kha a ni a, McGregor leh MGK te hi Security te inrawlh a chelh beh ngai in an awm.

Page Six chuan buaina liantham zawk chhuak lovin pawh then an ni a, boruak so sang lo hlauh an ti. Buaina thlen dan an sawi ah Source in Page Six hnen ah McGregor hian a in tur ken in MGK hi a theh tih a hrilh a, an buaina bulpui tak hriat theih a nilo an ti.

Mahsela People Magazine chuan McGregor hian MGK hi thlalakpui ah a sawm a, MGK hian a lo hnar vangin Conor McGregor hi a lungawilo ta a ni. McGregor representative erawh chuan insual buaina thleng ah hian an pha a, Machine Gun Kelly te lam an tawngchhuak rih lo.

VMAs ah hian Conor McGregor hi a bialnu Dee Devlin nen an kal a, MGK pawh a kawppui Magan Fox nen Awards semna ah hian an inzui a ni.