Mizo Elite News hi ṭha i tihzawng a nih chuan min lo Follow dawn nia

Ventilator Nena Enkawl Mek A Pu Chu Kalsan Thei Lovin A Mutna Bul Ah A Awmpui Tlat

Ui te hi mitam tak tan chuan chhungkua ang mai an ni a, ran ngainat awm tak niin an mahni enkawltu te hmangaihna bak phut let an nei ngai lo.

Central China’s Henan province a mi Mr Shao leh a ui kum 3 a upa golden retriever,Mao Mao te awmdan hian mite thinlung a khawih hle a, Mr Shao hi high blood pressure leh heart disease vangin Ventilator nen enkawl ngaiin a awm a ni.

Hetih lai hian a ui Mao Mao chuan kalsan chu sawi loh a bulah a awm chawt a, a pu mutna khum ah a awm (chest) ah beiin hmun dang reng a kalsawn theilo.

Shao chuan reporters te hnen ah ventilator a vuah a hmuh hian a ui Mao Mao chuan a damlo a ni tih a hrethiam tih hairual lohin a hmuh theih thu a sawi a, hetiang ui fing tak leh smart hi a la tawn ngai loh thu a sawi ve hial bawk.

Video thlir tu Netizens tam tak in an hmuh dan an sawi chuan mi pakhat in “ui te hian mihring ang chiahin engkim an hre vek a, chhungkaw dik tak an ni” tiin a sawi. Midang pakhat leh in a thil tawn ang deuh chiah a tarlang ve a, a damloh laiin a ui chu a bulah a awm tlat a, engmah a ei duh loh thu leh a lungngaih zia a tarlang.

Kar liamta mai pawh khan Turkey ah ui pakhat chu a lar chiam tawh. A enkawltu nu chu a dam loh vangin ambulance in damdawiin ah an hruai a, ambulance um hian an hnungah tlanin an inhmuh leh hma ni 6 chhung zet chu pawn lamah rinawm takin alo nghak a ni.