Mizo Elite News hi ṭha i tihzawng a nih chuan min lo Follow dawn nia

Ventilator Hman Tur Neih Loh Vangin Kum 50 Lai A Thawhna Damdawiin Ah Ngei Doctor A Thi

Covid19 chuan India ram chhung ah zual lam a pan telh telh zel mai si a, damdawiin hrang hrang ten Medical facility te khum leh oxygen duh khawp lohna avangin harsatna an tawk mek a ni.

India ram Uttar Pradesh a Prayagraj ah damdawiin pakhat Swarup Rani Nehru (SRN) hospital a Doctor chunga thleng hi a khawngaihthlak khawp mai. Kum eng emaw zat hna alo thawh tawhna damdawiin ah ngei chuan Ventilator hman tur a awm loh vangin a boral phah a ni.

JK Mishra hi SRN ah hian Senior Doctor lai a ni a, kum 85 a upa a ni. April 13 khan Covid symptom hi a nei ve tan a,SRN hospital ah hian admit a ni.

Damdawiin ah hian kum 50 lai mai alo thawk tawh. Admit a nih atang hian a dinhmun chuan ziaawm lam reng a pan thei lo a, ventilator hman a ngai tih hre mahse damdawiin hian hman tur chuangbang an nei tawh lo. A tawpah chuan tlin ta ngang lovin a nupui hma ah kum tam alo thawkna hospital ah ngei chuan a hnuk a chat.

SRN hospital a medical officer, Suryabhan Kushwaha chuan damdawiin ah hian 100 bawr lek chauh ventilators an kawl a, Dr Mishra hma hian midang in an lo hmang hman vek tawh tih a sawi.

Damlo te hi amah ang tho a serious tak tak vek an nih hlawm theuh avang in a nihna hmanga damlo hman lai hlihthlak sak ngawt theih bik an ni si lo a,chuvang in Dr Mishra hian ventilator hman tur a nei ve ta lo a ni.

Uttar Pradesh hi India ram a hri tuarna ber dawttu State an ni a, tunah hian hri vei lai active case nuai 2.97 an nei mek.