Mizo Elite News hi ṭha i tihzawng a nih chuan min lo Follow dawn nia

Vawlh Vulh A Ei Zawng Tu In Hah Taka Pawisa A Khawl Chu Engmah Lo Mai Ah A Chang

Tun ang khawvel ah chuan misual an tam tawh em em a, in lam ah pawisa tam tham deuh phei chu kawl a him tawh lo. Bank ah te an dah tawh thin zawk a ni ngai.

Amaherawh chu Bank a dah duh lo, mahni kut ngeia a pawisa fai kawla him zawk tura ngai an awm bawk. Mahsela a him lo tak zet tih hi i hria ang u.

Andhra Pradesh a vawk enkawl a ei zawng pa pakhat Bijli Jamalayya hian rim tak leh hah taka a sum thawhchhuah te chu a khawl a, mahsela Bijli Jamalayya hian pawisa te hi Bank ah a dah lo. Thir thingrem chhung ah a cash in a lo kawl tan a ni.

Amah hi Mylavaram, Krishna District a cheng a ni. Sawidan in an chhungkaw zingah a tumah in Bank Account an nei lo a, Chenna In sakna atan thir thingrem ah hian khawl in, an sum hmuh ang te chu a dah zel.

Thawhlehni khan sumdawnna ah cheng nuai 1 invest na tur in a ngai a, an pawisa khawlna thir thingrem a pawisa lachhuak tura a hawn chuan a pawisa khawl khawm sa chu him dam sawi tur awm tha lovin a lo sawm vek a, tlumpi ten an lo ei a ni.

Pawisa hi a vaiin cheng nuai 5 niin an sawi a, rim leh hah taka a khawl ve tang tang, engmah lo maia a chang ta chu Jamalayya pawh a rilru a na in a tap chhuak hial nghe nghe bawk.

Pawisa chhia te hi an fate hnen ah infiamna atan an pe chu an thenawm ten an hmuhin Police an hrilh a, thil thlen dan kimchang chu hriat a ni ta a ni. A pawi tih mai loh chu tih theih a awm tawh lo.