Mizo Elite News hi ṭha i tihzawng a nih chuan min lo Follow dawn nia

Vawiin Ah Hruaizela Ralna Thawh Hnihna Hlan Leh Ta

Mizo Youtube channel pakhat Zo Inspiration chuan Samtlang tlangval Hruaizela ralna thawh hnihna chu vawiin ah khan an hlan leh.

Zo Inspiration te hian Hruaizela tan hian Donation khawn in hmanni deuh khan Hruaizela chhungte hnen ah ₹9,77,000 an lo hlan tawh.

Hemi hnu a pawisa tlingkhawm dang ₹47000 chu vawiin khan an hlan leh ta a ni. Zo Inspiration in Hruaizela puala pawisa an khawn aṭanga an hmuh zawng zawng hi a vaiin cheng ₹10,24,000/- a ni.

“Vawiin khan ‘Zo Inspiration’ te chuan Hruaizela puala Donation kan khawn, a thawh khatna kan va pek hnua rawn la lut cheng ₹47000/- kan va hlan e. Ti hian Hruaizela puala pawisa rawn lut zawng zawng chu cheng ₹10,24,000/- a ni. He pawisa kan khawn chungchangah hian khual thuthang hrang hrang atam hle mai, engpawh nise Pathian rinchhan chunga ti kan ni a, aman min hriatpuina avanga kan tifel thei hi kan lawm em em a ni.

Thurawn/fuihna thu tha tak tak te leh tawngtaipuina kan dawn zawng zawng te avang khan kan lawm tak zet a ni. Min support chhunzawm zela min tawngtaipui zel turin kan ngen a che u. ?”

Zo Inspiration