Mizo Elite News hi ṭha i tihzawng a nih chuan min lo Follow dawn nia

Van Aṭanga Malsawmna Lung Rawn Tla Chuan Chawp Leh Chilhin Mi Hausa Tak Ah A Chhuah

Indonesia ram Kolang, North Sumatra a cheng pa pakhat, kuang (coffin) siam a eizawng ṭhin Josua Hutagalung (kum 33) hian vanneihna a tawngbaw chiang bik khawp mai.

An chenna in pawn lama kuang siama hna a thawh lai mekin van lam aṭanga thil rawn tla thla chuan an chenna in chung chu a lo deng pawp hawk. Eng thil nge tih chiana a va en nak chuan lung danglam tak mai meteorite a lo ni reng mai.

Lei lam a rawn panna kawng a thui em avang hian lei ah 15cm zeta thuk a inphum a, a rih lam hi 2.1kg lai a ni bawk. He meteorite vang hian thawk leh khatah Coffin siama ei zawng ve mai Josua chu a nun a inthlak danglam phah ta hlawk mai a, mi hausa leh neinung Millionaire a nih phah ta nghal a ni.

Leia a inkhawh lut hi a nupui nen chuan an lai/phawrhchhuak a, a han chawikan chuan ala lum vat vat thu a sawi bawk. A tlakna lam a thawm a rin em avangin an bul hnaia khawsa ve dang te pawh in an hre deuh vek a, meteorite en tur hian mite chu Josua te chenna in lam pan in an lo kal khawm hlawm.

He lung hi kum billion 4.5 vela upa anga sawi a ni a,a hlut zawng pawh a nep lo hle. £1.4 million vel anga hlu niin an chhut. Classified ah he meteorite hi CM1/2 carbonaceous Chondrite a nia, hmuh tur vang tak a ni. Meteorite expert Jared Collins in a chanchin alo hriatin phur takin Josua hmu a indawr turin a chhuak a, tunah chuan US ah Jay Piatek collection ah a awm tawh tih Dailystar in a tarlang a, a ni hi doctor leh meteorite collector a ni.

Josua pawh a dinhmun a danglam tak vangin a hnathawh te chawlh zai rel a tum deuh a, a vanneihna liau liau pawisa hmang chuan an awmna ah biakin sak a tum tih a sawi bawk.

DS