Mizo Elite News hi ṭha i tihzawng a nih chuan min lo Follow dawn nia

Uttarakhand Minister Pakhat Mask Hrenna Hmun Chuan Sawisel A Hlawh

Ram hruaitu pawimawh leh langsar te thil tih atan zawng hei zet chu a mawilo kher mai. Internet ah mitam tak in fiamthu thawhnan an hman zui phah.

Uttarakhand minister, Swami Yatishwaranand chu Minister dang te nen Meeting neiin an thukhawm a, Meeting an neihna ah hian Swami Yatishwaranand hian a Mask chu a hmui ah hreng lovin duhdah taka dah in a ke karah alo chep bet kual vel mai mai a ni.

Meeting thlalak hi Social Media ah a darh leh ta si a, Minister meuh thil tih atan chuan a zahthlak hle tiin sawiselna nasa tak a tawk zui. Nikum atang tawh in hripui laka him nan Mask hren pawimawh leh tul zia an inhrilh mawlh mawlh a, tunah lem hri vanglai tak tawnchhoh mek laia Minister te berin Mask hren dan zir that leh an ngai hi ram dang lo hmuh atan pawh a zahthlak lulai hle.

Yatishwaranand hi Uttarakhand’s BJP government a Minister of State a nia, thlalak phochhuah ah hian amah mai bakah meeting a neihpui midang 4 te pawh Mask an vuah chuang lo a, ministers, Bishan Singh Chuphal leh Subodh Uniyal te pawh an tel ve.

Congress leader, Pankaj Punia chuan Minister, Yatishwaranand thlalak hi Twitter ah fiamthu thawhnan hmangin a kap zui zeuh a. Uttarakhand cabinet minister Yatishwaranand atang hian Mask vuah dan zir rawh u a lo ti hial.

AAP spokesperson Amarjit Singh Rawat in Swami Yatishwaranand hian a chetdan mawi lo leh zahthlak takah hian ngaihdam a dil tawh thu a hnu ah a rawn sawi. Minister meuh pawh hetiang a nih si chuan India ram chu hrikai lo tam lohna chi a ni mawlh lo ve.