Mizo Elite News hi ṭha i tihzawng a nih chuan min lo Follow dawn nia

US Lama Asian Pitar Khawthlang Tlangval In A Hnek Avanga Lo Bei Lettu Chu Sum Tam Tak Hmuh Sak A Ni

Thil thlen hnu ah stopasianhate tiin Social Media ah Asia mite thlavang hauhin mipui eng emaw zat in hastag an siam phah hial a ni.

United State ah Asian pitar kum 76 Xie tia tarlan tak chu San Francisco a kawng cross a tum laiin Caucasian mipa kum 39 chuan a inrinloh lai in a bei thut a,a hmai ah hnek in hliam a tawrh tir.

Xie-i hian a pawi pawh a sawi loh khawthlang tlangval laka kut thlawn a tuar ringawt chu a lo ngai thei lo nasa. A tiang ken hmang chuan Caucasian pa hi beilet in alo hlap hrep. Pitar in a sawisakna ah hian Caucasian pa hi damdawiin panpui ngaiin a awm phah hial.

Huaisen taka amah beitu a hmachhawn hian Xie hi a ti hmingtha hle a,beih a tawhna lamah a mitko leh a ke rek ah te hliam a nei tel bawk.

A thil tawn hian a ti hamhaih viau thu an sawi a, a tupa chuan a taksa mai bakah a rilru thlenga hliam a nih thu a sawi. Amah hi diabetes neiin cancer survivor a ni.

Beih a tawhna a a hliam enkawlna tur bill leh therapy senso atan GoFundMe Page an siam a, mite atang rinphak bakin duhsakna a dawng thahnem. Ni thum chauh khawn la ni mahse thu buatsaih thleng hian Donation atang $852,882 lai sum hmuh a ni tawh.

Asian mite hi khawthlang ramah hripui a darh atang khan hmuhsit leh huat an hlawh nasa zual niin an sawi a ni.