Mizo Elite News hi ṭha i tihzawng a nih chuan min lo Follow dawn nia

US Chu Ni Khat Thil Thu A Mihring Thi Nei Tam Ber A Ni Ta, Darkar 24 Chhungin Mi 2,000 Chuang Thi

A hma aiin Italy tlem tlem in ziaawm lam an pan hret laiin United State lam a ziaawm thei lo. Rinphak bakin mihring thi an hnem.

BBC in darkar 2 liam ta a a rawn tarlan ah chuan US chu nikhat a mihring thi nei tam ber ah a rawn ṭang a, darkar 24 chhungin mi 2,000 chuang an thi.

Johns Hopkins University in a tarlan ah chuan darkar 24 chhung khan US ah mi 2,108 ten an nunna an chan. A rapthlak khawp mai. Thi zinga a tam zawk te chu New York Area a mi an ni.

Tihian US hian 18,693 mithi a nei. 500,399 confirmed cases a awm tawh. Vei thar an la pung zel bawk. Thi leh kai thar zat hi a danglam reng a vangin a zat chiah tarlan thiam a har a, thu lakna BBC tarlan dan ang a ni.

Italy hian 18,849 mithi an nei a, tun dinhmun ah chuan US hian Italy hi mithi tam lam ah a rawn khum thei nghal tih a chiang reng. Khawvel pumah hri vanga thi zat hi 100,000 chuang an awm tawh.

BBC