Mizo Elite News hi ṭha i tihzawng a nih chuan min lo Follow dawn nia

United State A Mi Pawimawh Te Hripui In A Hrut Mek

American mitam tak ten an nunna an chan tawh a, an la chan belh ve zel bawk. President ber lah in Covid hlau lo turin a mite hnen ah thlamuanna thu a la sawi.

Covid19 hian United State a mi pawimawh deuh deuh te a hrut mek. Ram hruaitu ber Donald Trump leh a nupui an Positive thu puan a nih hnu lawk ah White House Press Secretary Kayleigh McEnany chuan hri a kai thu a puang zawm ve leh ta.

Ningani liam ta aṭang khan Test hi a nei tawh a, Thawhṭanni khan a Positive ngei a ni tih hmuhchhuah a nih thu statement a chhuah ah a sawi a, a natna hi amah ah a langchhuak lem lo bawk.

Kayleigh McEnany chuan a inkhunghrang ve nghal dawn tih a tarlang a. Trump leh a nupui Melania te chu kar kalta khan an Positive tih an puang a Trump pawh damdawiin luhpui a ni nghe nghe.

Mahsela Trump hi damdawiin ah a awm reilo hle. Thawhṭanni khan damdawiin a chhuahsan fel leh der a White House ah kir leh tawh in enkawlna a dawng zui reng dawn. Damdawiin a chhuahsan chungchang ah fak leh selna pawh a dawng nuk phah.

A Press Secretary hian hri hi khawi aṭanga kai nge ni tih pawh hriatchian hleihtheih a la nilo bawk.

IT