Unau mipa naupang pahnih te hian an sam titawi duh lo a hmeichhe sam ang maia an zuah sei vang in miten hmeichhia emaw tiin an hai phah fo reng a, hmeichhia ang a an sam sei taka an zuahchhan phen ah erawh thil ropui tak a inphum a ni.
Malaysian unau te hi kum 5 leh kum 6 lek a upa an ni. An rualpui Cancer natna tawk avanga sam tlakawlh te tan an sam chu titawi lovin kum 2 chhung an zuah tawh a, Cancer Organization ah an lo donate.
An nu Tay Yuri chuan Facebook kaltlangin a fapa pahnih te thil tih ah hian a chhuanzia a rawn post. Yuri hi an sam sei lai leh tawi hnu thlalak te dah tlang in “kum hnih chhung mite sel in hlawh a,tunah chuan in tuarchhuak ta. Ka fate u in thiltih avang hian in nu hian ka chhuang em em chu a ni” tiin a sawi.
A fate hnen ah hian Yuri chuan Cancer naupang ten an natna tawrh khirh tak vangin sam an neih ve loh thu a hrilh a, heng naupang te tanpui hi an duh leh duh loh a lo zawt. An unau chuan an nu thusawi chu tha an ti hle a, an sam chu titawi lo a, zuah zel turin an remti ta a ni.
Yuri hian a fate landan avang hian mi thenkhat ten an nihna thai bo sak thak tum leh hmeichhia a cheibawl lo tura thurawn pawh a dawng a,mahsela an tum tak a hrilhfiah a Cancer naupang dangte tanpui an duh vanga zuah an nih thu a hrilh hnu ah chuan midang pawh in an hrethiam hle a ti.
An nu chuan School an luhna ah a fate hian an rual pui naupang dang in an samsei vanga nuihzat in fiamthu thawh nan te an hmang thin a, mittui tla zawih zawih a hun hman chang an neih thin thu te a sawi bawk. Mahsela hrehawmna karah pawh a fate hi theihtawp in an tumah chiang turin alo fuih hram hram a, chakna thar a pe thin.
An sam te hi organisation, Locks of Hope ah a mamawh te tan an pe vek a, an thil tih avang in miten an fak zui viau a ni.