Mizo Elite News hi ṭha i tihzawng a nih chuan min lo Follow dawn nia

Unau 4 Te Chuan MCO Vanga An Nu Leh Pa Ten Hna An Chan Chu Chhawmdawl Nan Kawngsirah Noodles An Zuar

Chhungkaw dinhmun hi a inchen vek lo a. Hna thawk em em lo a awlsam taka mi ṭhenkhat ten ei leh in tur an neih zung zung laiin a ṭhen erawh inhlawhfa chawpa ei tur hmuchhuak ngawr ngawr an awm bawk.

Hripui vanga Movement Control Order a nih vangin chhungkaw tam tak in harsatna an tawk mek a ni.

Setapak area a cheng unau 4 te hmeichhia 2 leh mipa 2 te chu an nu leh pa ten MCO vangin an hna an chan a. Hemi anih vang hian an chhungkua chuan sum leh pai ah harsatna an tawk.

An nu leh pa te chhawmdawla an puih theih dan tur kawng ngaihtuah in kawngsirah Noodles zuarin an lo ṭhu ran hlawm a ni.

Prima Setapak area a kawngsir ah chuan an unau 4 hian Noodle an ṭhutpui a, nisa leh ruah laka inhliah khuhna turin nihliap pawh engmah an nei lo.

Hetia an inzuar lai hian lehkha zir pah bawk in an kiangah lehkhabu an inchhawp a. An thlalak hi Facebook page pakhat Love n Care tih ah chuan an phochhuak a thlir alo hlawh viau bawk.

Netizen aṭang ngaihdan a phir nuai phah a, a ṭhenin unau 4 te hi an fak viau laiin ṭhenkhat erawh chuan tun ang dinhmun a an fate thil tih an phal sak hi an nu leh pa te an dem hle thung bawk.

WOB