Mizo Elite News hi ṭha i tihzawng a nih chuan min lo Follow dawn nia

UK Media Te Lak Ah Prince Harry Leh Meghan Markle Te Lawm Lo

Duke and Duchess of Sussex Prince Harry leh Meghan Markle te chu an fapa nen nun bul ṭan turin UK aṭang Canada lam an pan a, Canada an awmchhung reilo te ah Media te nen harsatna an nei nghal.

Meghan Markle hi a fapa Archie nen Vancouver Island a Park ah ui pahnih te nen a an lengchhuak lai chu Paparazi ten an chang fuh leh chat a, an thlalak te chu Chanchinbu hrang hrang leh Internet lam ah a darh zui nghal.

Hei vang hian Prince Harry te nupa hi an lawm lo viau a ni awm e. Prince Harry lawyer lamin Legal warning a chhuah. Meghan te nufa thlalak hi UK Media lar tak pahnih The Sun leh Dailymail lam in an tichhuak a, Harry Lawyer hian phalna la hmasa lo a thlalak sak ah a puh.

Legal Action lak chungchang thleng in vauna tihchhuah a ni a, khin tumna hial a chhuak. Prince Harry te nupa hian Privacy an ngaipawimawh hle a, Media te chu an laka inthiarfihlim tur in an ti. Lal chhungkua hian Event an hmanna vel leh eng emaw ni khua a Official a inlanna tih loh chu Public vela an thlalak hi khuahkhirh a ni ṭhin a, an mahni lam pawh hemi thleng lo tur hian an fimkhur hle bawk ṭhin. Hei hi himna tur atan zawk a ni.

Thlalatu lam te hian an chenna thleng in thlalak hi an tum nia tarlan a ni bawk. Thlalak a chhuak tawh si a khinna Lawsuit a thleng thuai lo ang tih a sawi theih loh.