Mizo Elite News hi ṭha i tihzawng a nih chuan min lo Follow dawn nia

UK A Indian Driver Chu Covid19 Veiin A In Luahna Neitu In A Hnawhchhuah Hnuah A Boral

Nupui fanau te tan chuan rilru a va na dawn tak em. Ralkhat aṭangin chhungkaw pa ber a thih thu an hria a tih theih lah an nei der silo.

India pa pakhat kum 44 mi Rajesh hi London ah Uber Driver in hna a thawk a, a hnathawhna pawh rei tawhin kum 22 lai London ah hian a khawsa tawh. 2014 khan a nupui Mary nen an inneia fapa pahnih an nei.

A nupui leh a fate bakah a hringtunu te hi Hulimavu, south Bangalore, India ah in an luah a, rim taka a chhungte tan hnathawk in kum tin hun reilo te te India ah hian a chhungte kiangah hun a hmang ṭhin a ni.

Mary chuan a pasal hian a hna driver hi nuam a ti hle a London a ngainat thu te a hrilh ṭhin tih a sawi. A mawi leh fai zia te sawiin nitin video call hmangin an inbia a, a lo zai sak ṭhin bawk. Rajesh hian ṭhian fel tak pakhat Sunil a nei bawk a, kawng tam takin a lo ṭanpui ṭhin.

December 2019 khan in luah lo a an chenna turin loan hmangin Bangalore ah ram a lei. 15 January khan London ah hian hnathawk turin a kir leh a, mahsela a hnu lawk ah UK chu hri a zual zel vangin PM Boris Johnson an lockdown a puang. Rajesh pawh in hna a thawk thei tawh lo a, March 25 a Heathrow Airport a passenger a hruai chu a hnathawh hnuhnun ber a ni.

Hemi hnu hian a hriselna dinhmun chu a chiang lo ta hle a, damdawi in a a in entir chuan Covid19 hi a lo Positive reng. Hospital a thawk tu te chuan in ah haw a in khung tura tiin a dinhmun a zual a nih chuan damdawi in a kal leh turin an ti. A inluah lama a haw chuan a inluahna chuan a lo hnawkchhuak a, in aṭang a chhuah tir.

Kalna tur a neih loh vangin a Car ah chuan zan tam a riak. Sunil hnenah India a hawn theih dan a awm leh awm loh a zawh chuan India pawh Lockdown vangin haw theih a nih loh thu a lo hrilh. Sunil hnenah awmna tur dang a mamawh tih a hrilh hnu lawk chuan luah tur a hmu ve leh mai a.

Mahsela £4,000 pek a ngai a, pawisa puk chawpin in hi luah in, a inkhung nghal chawt. A dinhmun chu midang lakah a zep tlat a, a chhan chu an chhuah tir leh mai a hlauthawng a kalna tur dang leh belhtur dang reng a nei tawh lo a ni.

A nupui nen an inbiak leh chuan Mary chuan hospital pan turin a lo hrilh. April 3 khan Hospital a pan a, hemi tuk hian admit a ni nghal. Doctor ten chhan theih a rinawm tawh loh tih an hriat hnuah a nupui leh a fate chu video call hmangin an pa chu an hmuh tir a, mangṭha na hun an siam sak. Darkar 2 hnu ah chuan a boral zui nghal.

Rajesh nu hi a fapa dinhmun vangin na takin a damlo zui bawk. Mary chu a pasal vang hian a rilru a na hle a, house loan, medical bills leh an fate school fees zawng zawng chu a ko ah a innghat ta vek. Chhawmdawlna turin an chhungkaw tan fundraiser siam a ni a £140,164 lai sum hi hmuhsak a ni tawh.

WOB