Mizo Elite News hi ṭha i tihzawng a nih chuan min lo Follow dawn nia

Ui Rinawm Tak Chuan Amah Enkawltu A Pu Boralta Hnathawhna Ah An Inhmuh Leh Beiseina Nen Nitin A Kal Fo

Ui te hi mihring te tan hian thian tha tak an ni a, an fingin an mahni duat leh enkawl thin tu te pawh an hai lo hle.

Múzquiz, Coahuila a mi ui fing zet Cuchufleto hi thla 6 liam ta khan Gonzalo Cruz, 53 chuan enkawl turin a la. Cruz hi northeast Mexico a coal mine ah hna a thawk.

A ui Cuchufleto nen hian Cruz hi an inkawmngeih in hun an hmang dun tam hle a, a hnathawhna hmun ah te pawh a kiangah awmpui in a pu hi a zuichhuak ve ziah thin bawk.

Vanduaithlak takin June 4 khan Gonzalo Cruz te hnathawhna hmun coal mine ah chetsual na rapthlak thleng in hnathawk lai mi 7 zet an thi. Thi zingah hian Gonzalo Cruz pawh a tel ve a, a ruang hi zawn hmuh lawk nilo in June 6 khan rescue workers ten an la chhuak.

Amah enkawl tu leh a hun hmanpui ber thin a pu in a boral san hi Cuchufleto hian a tuar tak zet tih Cruz nupui chuan a sawi. Zingtin a pasal nen hun an hmang thin a, mahse vanduaina thlen hnu a a hmel hmuh tur awm ta miah lo chu an ui hian a chetzia atang hrehawm a tih zia a lanchhuah tir a ni.

A pu hnathawhna ah a hnel hmuh leh ringin a kal fo a, in chhungah pawh awm duh lovin pawn ah chuan a pu alo hawn hun nghakhlel takin a thlir reng thin niin Sandra Briseño chuan a sawi. Hei bakah hian Cuchufleto hian chaw pawh engmah a ei duh tawh lo a, tui chauh ringin a hun a hmang.

Sandra Briseño hian an ui Cuchufleto in a pasal heti taka a hmangaihzia leh a ngaihzia a hmuh in a rilru a ti na thar fo a, pawn lama a pu lo kir hun lunghnur taka a nghak thin te chuan a lung a tichhe tak zet tih television station 15 Sabinas hnen ah a sawi a ni.