Mizo Elite News hi ṭha i tihzawng a nih chuan min lo Follow dawn nia

Ui Khawngaihthlak Chu A Enkawltu In A Boralsan Vangin Rilru Na In Intihlum

Ran te pawh hian hmangaihtu leh lainat tu hi chu an lo hria a ni. He ui khawngaihthlak tak pawh hi a enkawltu in a boralsan vangin rilru na in a intihhlum phah.

Jaya tia koh hi ui fing tak mai a ni a, Uttar Pradesh a Kanpur a mi Dr Anita Raj Singh chuan kum 12 liamta khan chhar in, enkawl turin a la zui. Dr Anita Raj Singh hi Barra -2 area a Malikpuram ah cheng an ni.

Jaya hi a pui hian a neih hnu ah kalsan in Ursula Horsman hospital kiangah Anita hian a hmu. Anita in a chhar hlim phei chuan a lainatawm hle a, lung (maggot) chuan a taksa an bawm bawk.

Anita chuan in ah hruai haw in ṭha taka an enkawl hnu ah a damchhuak a, an chhungkaw member pakhat angin an chhiar ta a ni.

Mahsela Anita hi kal (Kidney) ṭha lo in a dam lo a, hospital a enkawlna a dawn hnu ah damchhuak zo lovin Nilaini khan alo boral. Anita thihna hian Jaya hi a ṭhawng hle a, a tuar tak zet.

Anita fapa Tejas sawidan chuan a nu ruang hospital aṭanga in lam an lo hawnpui chuan Jaya hi a bauh vak vak a, In chungah tlanchho in chhawng 4 na aṭanga zuangthla in a intihlum ta a ni. Veterinary hospital an panpui a mahsela a thi hman daih tawh.

A nu damlo a hospital a luh aṭang Jaya hian chaw leh tui pawh a ei ṭha lo niin Anita fapa Tejas chuan a sawi. Dr Anita hi vuia a ruang an hal hnu ah Jaya hi an in bul ah chuan an phum ve leh a ni. Ui leh a enkawltu chunga vanduaina thleng hian mitam tak rilru leh thinlung a hneh hle a, mi mittui an lo ti tla hial.

TOI