Mizo Elite News hi ṭha i tihzawng a nih chuan min lo Follow dawn nia

Ui Kawlh Laka A Unaunu A Chhanhimna Lama Hliam Tam Tak Tuar Tu Mipa Naupang Huaisen Chu Hollywood Star Chris Evans Hnen Aṭang Thil Pek Hlu Tak

He mipa naupang kum 6 leka upa Bridger Walker hian ui kawlh laka a unaunu nunna a chhanna lamah ui in beiin hliam nasa tak a tuar a, a hmai leh lu te chu hmun tam tak ah ṭhui a ni.

A chunga thil thleng hi a ni (aunt) Nicole chuan Social Media ah a tarlang a, Nicole hian ‘Avengers’ changtu te hi alo tag hlawm bawk.

A chanchin a darh hnu hian mitam tak hnen aṭangin fakna hrang hrang leh huaisen an tih thu a dawng nasa hle. ‘Avengers’ changtu te ngei beng pawh a thleng chho a, ama nunna thapa a unaunu hum him tura che chhuak he mipa naupang hi an fak viau bawk.

Hollywood Star, Chris Evans chuan Bridger Walker hnen ah hian thilpek hlu tak a hlan dawn tih a sawi a, Captain America phaw (shield) chu a huaisenna vangin Bridger hnen ah hian a lo thawn.

“Hero dik tak i ni. I huaisen in i hma i sial lo a, i unaunu in nang ang unaupa a nei che hi a vannei hle. I address ka chhuichhuah hnu ah Captain America phaw (shield) chu a tak tak ka rawn thawn. Hei hi i phu hliah hliah a ni” tiin Chris Evans chuan a sawi.

Evans bakah Marvel star dang Mark Ruffalo, Brie Larson, Robbie Amell leh Grant Gustin te pawh in Bridger Walker hi huaisen an tih thu leh an chhuanzia an tarlang ve bawk a, ui in a beihna ah hian Bridger hi hmun 90 vel laiah a hliam hi ṭhui a ni.

IE