Mizo Elite News hi ṭha i tihzawng a nih chuan min lo Follow dawn nia

Ugandan Weightlifter Pakhat Chu Olympic Training Camp Atang Tlanbo In Lehkha A Hnuchhiah Ah Japan Ah Cham A Duh Tih A Sawi

Japan khawpui Tokyo a Olympic Games neih tan tur ah Ugandan weightlifter pakhat chu Zirtawni khan Olympic training camp atang a bo a, Japan ah cham rih a duh vang tih hriat a ni.

Julius Ssekitoleko hi Izumisano a Ugandan team’s training site atang a bo tih hi hriatchhuah a ni a,city official Osamu Mizoguchi sawidan in Ssekitoleko hian Covid-19 test sample a submit loh atang in an hria niin an sawi.

Media te tarlan dan in Ssekitoleko hian a kalbo dawn hian lehkha a hnuchhiah a, Japan ramah hian cham rih a hnathawh a duh zawk thu leh an ram Uganda a a nun hman chu a hrehawm thin hle tih a ziak lang.

Ssekitoleko hi Tokyo Games a tel tur hian a qualified lo a, karleh Thawhlehni khian Uganda a kir leh tur a ni. Report atang a landan in a bo hma a hmuh hnuhnun berna chu local station ah a ni a,Nagoya pan nan Shinkansen bullet train ticket a lei tih an sawi.

Nagoya hi 200 kilometers a hla a awm a ni tih Izumisano official chuan CNN te an hrilh. Lehkha a hnuchhiah ah chuan a kalpui member dangte hnen ah a bungrua te chu Uganda a a nupui hnen ah thawn kir turin a lo chah bawk.

Tun hi Uganda aiawh a chhuak infiam mite hmingchhiat vawikhatna mai a ni tawh lo. A hma pawn Ugandan athletes bo hi sawi tur an lo awm ve zeuh zeuh tawh. Tokyo 2020 Olympics hi hripui leng mek global pandemic vangin a hun takah neih theih a ni lo a, quarantine rules khauh tak hnuaiah participants tin te fimkhur tak chung nen he Games hi neih tur a ni.