Mizo Elite News hi ṭha i tihzawng a nih chuan min lo Follow dawn nia

UFC Champion Amanda Nunes in inhnek ah Kim Kardashian a cho

Hei zet chu Loyd Paul leh Floyd Mayweather te aiin pawh in boruak a nei ring zawk ngei dawn e.

UFC champion Amanda Nunes chuan Social Media kaltlangin rapper, Kanye West nupui TV personality Kim Kardashian chu Octagon chhungah inhnek pui ah a sawm riap mai.

YouTuber Logan Paul leh Floyd Mayweather te inchona boruak hnu mai khan UFC bantamweight leh featherweight world champion hian Kim K a chona hi Twitter ah tarlangin ‘Hey Kim Kardashian, let’s do this? Lol.’ tiin a post.

Amanda Nunes post siam atang mitam tak in an ngaihven nghal hle, UFC president Dana White chuan celebrity boxing match chu sawisel in Kim Kardashian vs. Amanda Nunes te tehkhin nan a hman hnu ah Nunes hi a rawn fiamthu chul.

Amanda Nunes hi kum 33 a upa Brazilian professional mixed martial artist a ni a, a career ah hlawhtling hle in hmeichhe zingah two-division UFC champion hmasa ber a ni.