Mizo Elite News hi ṭha i tihzawng a nih chuan min lo Follow dawn nia

Twinkle Khanna i’n a pasal Akshay Kumar leh a chhungkua te Pandemic laia luangchhuak ve duhlo a puhtu a chhang let

India ram hrivei pung chho zel ah milar thahnem tak ten Social Media platform hmang tangkaiin India in tanpui a mamawh zia an auchhuahpui chhuah chuah hlawm a, Bollywood mai bakah Hollywood Star thenkhat te pawh in India ram tan theihtawp an lo chhuah bawk.

Bollywood Superstar, Akshay Kumar nupui Twinkle Khanna chuan Twitter kaltlang in ANNADA leh Daivik Foundation nen tangkawp in crowdfunding post a siam a, India hian tanpui a ngai em em a, Donation tlingkhawm te hi India ram damdawiin a oxygen concentrators atan hman a nih tur thu a sawi a ni.

Mahsela Twinkle post hi IAS officer chawl tawh pakhat chuan a lo helh hle. Twitter kaltlang vek in Twinkle hi a bei zui a, midang hnena Donation khawn kual lo hian an mahni zawk in chhunglut tur an nih thu leh Pandemic laia thawhhlawk lo ang hrim in mawilo tak in a tawngkhum.

“I pasal hi he rama star hausa ber zinga mi a ni. Midang te hnen a fund dil kual lo khan nangmahni zawk in ngilneihna inlantir dawn lo em ni” a lo ti.

Twinkle hian IAS officer in a beihna hi a lo pai dam thei bik hauh lo a. An chhungkua chuan 100 oxygen concentrators an pek tawh bakah kawng hrang hrang hmang a an luahchhuah thu a sawi a, an chhungkua uikawm ang a chhuahtu hi na takin a chhanglet deuh sak a ni.

Twinkle Khanna bakah hian Sonu Sood, Alia Bhatt, Taapsee Pannu, Vicky Kaushal, Priyanka Chopra leh Jennifer Aniston, Camila Cabello, Shawn Mendes te pawh in India in hripui thawhhnihna a hmachhawn mek ah fans te hnenah tanpuina pe chhuak ve turin an ngen.