Mizo Elite News hi ṭha i tihzawng a nih chuan min lo Follow dawn nia

‘Twilight’ star Taylor Lautner nupui nei turin a inpeih tawh

‘Twilight’ a a chanpui Kristen Stewart in a hmeichhiatpui inhualna a neihpui tak si ah chuan Taylor Lautner pawh a ngawi reng ta biklo. Tunah chuan nupui neih a inpeih tawh e.

Kum 29 a upa Taylor Lautner chuan kum 3 chhung zet alo kawp tawh Tay Dome chu damchhunga a kawppui tur in a hma ah a thingthi a, a nupui atan a lo sawm a ni.

People Magazine te chuan Taylor Lautner te inhual thu hi Ningani kalta khan a nemnghet a, Social Media kaltlangin Taylor chuan a suangtuahna leh duhthusam te chu a thleng dik tih a sawichhuak hial bawk.

Taylor Lautner hian Dome Propose na tur atan hian a inbuatsaih ve hle tih pawh a lang reng. Rose par leh candle tam tak in an hual vel karah chuan thingthi hnap in Romantic takin a sawm. Inhualna zungbun atan a hman hi Ring Concierge a mi zungbun man to tak a ni.

Dome pawh in an inhual thu hi phur takin a puangzar ve a, Taylor Lautner kiangah hian a damchhung zawng hun hman a chak thu a sawi ve hial. Dome hi Nurse hnathawk niin 2018 atang khan an inkawp tan tih hriat a ni.

Taylor Lautner hi Acting khawvel ah a hlawhtling a, hmeichhe lamah pawh a duai lo. October 2009 khan ‘Valentine’s Day’ an chan atang Taylor Swift nen an inkawp a, mahse a hnu kum leh lawk ah an inthen. Taylor Swift hian Taylor Lautner tan hian a hla hit tak “Back To December” a phuahchhuak nghe nghe. Taylor Swift bakah hian Lily Collins, Marie Avgeropoulos,Billie Lourd te pawh a Ex list zingah an intlar ve thup a ni.