Mizo Elite News hi ṭha i tihzawng a nih chuan min lo Follow dawn nia

TV Anchor Chu News A Puan Lai Mekin A Hnungah Taliban Ten Silai Nen An Hual

Taliban ten Afghanistan an lak hnu ah buaina nasa tak a chhuah phah a, nu nau mangang taka rum in an thlabar hle. Nunna chan pawh mi tam tak an awm tawh.

Taliban te hian khawvel media hma ah insawithiam zawt zawt mahse rin erawh a hlawh lo. An mahni vek in an thutiam ngei ah an din ngheh thin loh vang a ni. Hman angin hmeichhia te lakah vantlang nunah pawh kan khirh lutuk lo ang an tih hnu lawk ah hmeichhe pakhat kaphlum a ni zui nghal.

Video Clip pakhat chhuak ah chuan Television anchor pakhat chuan News a puan chhuah mek laiin Taliban helpawl ten he Anchor hnung ah hian silai nen an hual bet tlat.

Tv Anchor hi a hmel atang a hlauthawng a ni tih pawh hai rual a nilo. Taliban hel pawl te hian tihluihna hmangin an thuneihna chu News ah an sawimawi tir a, Anchor hian Taliban te chu hlau lo turin News kaltlang hian a puang ta dum dum mai.

Iranian journalist leh activist Masih Alinejad chuan Video Clip a Taliban te hlau lo tura sawi tir luih TV host chunga thleng chu a dem thu a auchhuahpui a, Silai nen an hual beh tlat vangin thudang puang thei a nilo. Hei hian mi maktaduai te rilru ah hlauhna an tuhsak zawk. Hei hi finfiahna dang leh pakhat chu a ni a ti.

Taliban ten free press an tih chu an bawhchhe leh ta. Tunhnai lawk pawh khan Afghan reporter pakhat Tolo News Ziar Yaad tan a thawk leh a cameraman te chu Kabul a retheihna leh hna awm lo chungchang vel report an neih ah Taliban ten kut an lo thlak tawh. Afghanistan ram an lak atang journalists thi pawh an awm nual. July thla khan Indian photojournalist Danish Siddiqui pawh Taliban ten an tihlum tih hriat a ni.