A fapa aiin TV chuan a nun ah hmun a chang thuk zawk a, a fapa chu a ngaihtuah duh reng reng lo.
Bila Tserkva, central Ukraine a thil thleng a ni a, pa chuan a fapa chu a TV en lai a tihbuai a vangin tukverh aṭang alo thehchhuak.
Naupang hi kum 5 mi Sergey tia koh a ni a, a pa hi kum 39 a upa a hming tarlan loh niin Sergey hi a fapa dik tak a nilo a, a pahrawn a ni.
Local Report in a tarlan dan chuan Sergey hi chawhnu lam a muhil a thawh chuan a pahrawn lam panin a malchunga ṭhut a dil a,a pahrawn hian TV lo en in a fapa in a malchunga thut a dil chu alo namsawn.
A fapa hian hnaih in a dil leh ngat a, chutah a thinrim chuan a fapa hi chawikangin an chenna apartment block tukverh aṭang chuan a thehchhuak ta mai nia tarlan ani.
Tukverh aṭanga a tlakna ah hian a lu ah hliam na tak a tuar phah a, a lu ruh a keh bawk. An ṭhenawm a mi Inna Bieva sawidan chuan “darthlalang kehthawm ka hria a, ka tukverh aṭanga kan enkual chuan ka va hmu ta a ni” a ti.
A pahrawn hi thil thlen hnu hian tlanbo in mahsela a hnu lawkah an man zui nghal Police lan ten attempted murder investigation nei in a pahrawn hi custody ah an hreng.
Sergey hian phir unau mipa a nei bawk a, a ni pawh in thil thleng chu a lo hmu ve reng bawk. A pahrawn hi thiamloh chantir a nih chuan kum 15 thleng Jail a tang dawn a ni.
The Sun